Publicacións

Mostrando publicacións desta data: Marzo, 2020

COVID-19: aprende a lavar as mans con José

Imaxe
Lavar as mans converteuse na acción popular máis importante para combater o COVID-19. Facelo protéxenos a nós e ao resto das persoas. É imprescinble que as nenas e os nenos tomen conciencia da necesidade de realizar este xesto con frecuencia en varios momentos do día e da maneira axeitada.
Las manos de José é un conto con pictogramas de Aprendices visuales para ensinar a todas as crianzas a lavar as mans. Podedes lelo e realizar as actividades que se propoñen despois da súa lectura pinchando na imaxe.




Experimentos científicos para días de cole a distancia

Imaxe
Nestes tempos de confinamento como consecuencia da crise sanitaria que estamos a padecer, un grupo de estudantes do Grao de Maxisterio da Universidade de Salamanca fan da necesidade virtude e comparten coa comundiade educativa unha recompilación de experimentos científicos aos que paga a pena botar un ollo. 

Están pensados para as crianzas de primeiro, segundo e terceiro de educación primaria e só requiren dúas cousas para levalos á práctica: un! materiais sinxelos que en moitos casos teredes pola casa e dous! ganas de experimentar e de pasar un tempiño ameno e divertido en familia.

Grazas ás autoras e autores por compartilo!

Praxias: a esta oca xógase movendo a lingua!

Imaxe
Na produción da fala interveñen unha serie de órganos bucofonatorios. Estes son a lingua, os labios, as meixelas, o padal e a mandíbula. Exercitalos realizando movementos con eles (praxias) é necesario para favorecer un adecuado desenvolvemento da fala, especialmente nos primeiros anos de vida das crianzas ou na intervención das dificultades que poidan xurdir neste proceso.

Nesta entrada podedes descargar unha oca para practicar as praxias coa lingua. O funcionamento é moi sinxelo: a nena ou o neno ten que imitar a imaxe que lle toque en cada tirada.
A xogar!

TEA: coñece o Trastorno do Espectro do Autismo

Imaxe
Achégate á realidade do autismo a través de El Viaje de María, unha curtametraxe producida pola Fundación Orange.


QUE É O TEA?O protocolo Tratamento educativo do alumnado con trastorno do espectro do autismo (Consellería de Educación, 2016) recolle que o Manual diagnóstico e estatístico dos trastornos mentais: DSM-5 (2013), utiliza o termo de TEA para designar os trastornos do neurodesenvolvemento que teñen como características principais: 
o deterioro persistente da comunicación social recíproca e da interacción social.patróns de conduta, intereses ou actividades rectrictivos e repetitivos. CANDO SE DIAGNOSTICA?De acordo coa definición do DSM-5, os síntomas deben estar presentes nas primeiras fases do desenvolvemento aínda que poden non manifestarse ata que a demanda social supera as capacidades limitadas ou ben estar enmascarados por estratexias aprendidas en fases posteriores. 

Entre os 12 e os 24 meses de idade xa se poden recoñecer os síntomas, mesmo antes dos 12 meses cando os retr…

Coñece o río: achégate á biodiversidade acuática

Imaxe
Traémosvos unha recomendación para achegarvos dende a casa á biodiversidade que albergan os ecosistemas acuáticos. Trátase de Coneix el riu (Coñece o río) unha web na que atoparedes información e curiosidades sobre toda clase de peixes, anfibios, réptiles, mamíferos, macroinvertebrados e vexetación que habitan nos ríos, nas ribeiras e noutras zonas húmidas.


Actividades plásticas e de repaso sen impresora

Imaxe
Aquí tedes algunhas ideas de actividades para realizar na casa sen necesidade de imprimir fichas ou materiais. No blog En el aula de apoyo poderedes atopar algunhas máis.


Actividades sen necesidade de impresora

Xogos en liña de matemáticas e de linguaxe

Repasa as matemáticas con divertidos xogos de cálculo, problemas, fraccións... ou proba a facer sudokus de letras a través do repositorio de aplicativos de Genmagic . Son gratuítos e non necesitas descargalos para poder utilizalos.




Galicia Le abre o acceso durante a corentena

Imaxe
A Rede de Bibliotecas Públicas de Galicia abre o acceso a eBiblioGalicia e ao CatálogoGalego. Mentres dure a corentena non necesitarás ser socia/o para poder acceder aos máis de 4.500 libros, audiolibros, revistas e películas da plataforma.

Date de alta en GALICIA LE

Lecturas e actividades para profundar nas emocións

Convidámosvos a que aproveitedes o encerro obrigado na casa para ler cos vosos fillos e fillas. Velaquí algunhas propostas de Palabras Aladas, unha editorial centrada no mundo das emocións. 
No seguinte enlace podedes consultar algunhas das súas publicacións e descargar actividades gratuítas para afondar nelas trala lectura.
Recomendacións e material gratuíto

Reto do día (5)

Imaxe
Cal é o refrán que agochan estes emojis?


COVID-19: Rosa contra el coronavirus

Imaxe
O Colexio Oficial de Psicoloxía de Madrid e a Editorial Sentir veñen de publicar Rosa contra el coronavirus, un conto para explicar ás crianzas que é este virus e aprender a xestionar as emocións que provoca. A publicación inclúe recomendacións ás familias con crianzas de entre 4 e 10 anos.

COVID-19: Elena en cuarentena

Imaxe
A lectura e a literatura son as nosas aliadas para comprender o mundo no que vivimos. Estes días están xurdindo diversas propostas en forma de contos que intentan explicar a crise sanitaria que padecemos.
Elena en cuarenta y la misión de vencer al coronavirus y al aburrimiento (Emoveria Psicólogos) é un conto para axudar ás crianzas a comprender o momento que estamos a vivir e as emocións que provoca.

Actividades domésticas para estimular a linguaxe

Facer a limpeza, cociñar, pór a lavadora... son situacións habituais en moitos fogares que podemos aproveitar para favorecer a estimulación da linguaxe das crianzas. Dende o blog Prohibido non falar convídannos a que o fagamos co dossier Estimular a linguaxe na casa ; unha recompilación de propostas pensada para estes tempos de confinamento na casa por mor do COVID-19.

Reto do día (4)

Imaxe
Adiviña o refrán...



Respiración: exercicios de inspiración e expiración

Imaxe
Respirar e sentir como tomamos aire e o expulsamos é unha boa maneira para conseguir relaxarnos en momentos de nervios ou de ansiedade, mais tamén é un exercicio preparatorio importante cando falamos de intervir sobre as dificultades da linguaxe e/ou da fala. Neste post dámosvos algunhas ideas para exercitar a capacidade pulmonar.

Para traballar a respiración de forma específica imos realizar inspiracións e expiracións en distintas posicións: decúbito supino, decúbito prono, decúbito lateral, nunha cadeira e/ou de pé. Tamén é moi importante a propiocepción, que as crianzas noten coas súas mans como o ventre se eleva e descende. Tamén que o podan ver; por exemplo en posición lateral, diante dun espello ou mellor aínda deitadas, poñéndolles un obxecto lixeiro enriba, como unha caixiña pequena de cartón.

Estes son algúns exercicios sinxelos que podemos realizar coas nenas e con nenos: Inspirar polo nariz, retelo un momento e expirar dicindo unha vogal (aaaaaa...) ou simplemente expulsando o…

Reto do día (3)

Imaxe
Cal é o refrán que se agocha nestes emojis?




Técnicas de relaxación muscular para crianzas

Imaxe
Aquí van dous exercicios de relaxación moi sinxelos pero efectivos para vencer a ansiedade e o estrés de estar confinados na casa. Forman parte da Técnica de Koeppen, moi similar á Técnica de Relaxación Progresiva de Jacobson pero cunha explicación máis atractiva e motivadora para as crianzas.

A GOMA DE MASCAR (MANDÍBULA E COLO) 


Imaxinamos que temos unha goma de mascar enorme que queremos mastigar. É tan grande que necesitamos empregar todos os músculos do colo e abrir a boca o máximo que podamos. Mastigamos forte, moi forte... E agora imaxinamos que a goma desapareceu. Deixamos caer a mandíbula; notamos como se afrouxa, como o colo tamén se relaxa. Repetimos tres veces as mesmas accións.


XOGO DO LIMÓN (MANS E BRAZOS)
Imaxinamos que collemos un limón na man dereita. Temos que espremer todo o seu zume. Concentrámonos en como o noso brazo e a nosa man ténsanse. Agora deixamos caer o limón e notamos como os músculos se relaxan. Imos coller outro limón pero agora hai que espremelo máis forte…

Actividade: é tempo de cociñar

Imaxe
Fonte da imaxe: Pixnio
Recursos para maestros proponnos que aproveitemos estes días de encerro obrigado na casa para cociñar en familia e de paso traballar a escrita, aprender novo vocabulario ou seguir mellorando a morfosintaxe. A actividade consiste crear un receitario de cociña propio e orixinal. Obtén o modelo neste enlace: actividade con receitas de cociña de Estefanía Brotons.

Ideas para non aburrirse durante o confinamento

Manual de supervivencia en aislamiento y no morir de aburrimiento del Servicio de Ocio de AMI3, asociación en favor de las personas con discapacidad de Tres Cantos.



Fantástico conto sobre o COVID-19

Imaxe
Este conto de papiroflexia sobre o coronavirus estase convertendo nun éxito viral pola xenial narración da súa autora e a marabillosa historia que creou para as crianzas. 
Descoñecemos quen é a autora pero queremos darlle as grazas por compartilo nestes momentos.



Dominas a linguaxe dos emoji? 2

Imaxe
Reto do día. Adiviña o refrán que se agocha baixo estes emojis.


Covibook: as emocións que provoca o illamento

Imaxe
Manuela Molina creou este conto "para crianzas entre 2 e 7 anos co propósito de anticipar e acompañar o mundo emocional infantil fronte ao COVID-19".

Podes descargalo e imprimilo dende aquí.

MEFP: Aprendo en casa

Imaxe
#Aprendo en casa
O Ministerio de Educación e Formación Profesional vén de pór en marcha Aprendo en casa, un portal que compila ferramentas e recursos educativos para docentes, o alumnado e as súas familias.

Xoga á oca para manterte en forma

Imprime esta oca creada por Claudio Jiménez García (Educación Física Competencial) para facer actividade física polas mañás ou para xogar despois de facer as tarefas de clase.

Pautas de estimulación da linguaxe oral

Imaxe
A linguaxe oral é unha destreza que se aprende de forma natural mediante unha serie de intercambios coa contorna social. A súa adquisición é un proceso evolutivo e cada neno e cada nena ten o seu propio ritmo.

Que as crianzas articulen e pronuncien correctamente os sons da lingua depende en boa medida das súas familias; de aquí a importancia de proporcionarlles modelos correctos de fala.

Estas son algunhas orientacións para estimular a linguaxe oral das crianzas, especialmente para as que se atopan na etapa de Educación Infantil
Faládelle amodo e de forma clara, procurando que as nenas e os nenos tamén o fagan.Conversade a miúdo e a diario.Faládelle con corrección e sen imitar a súa forma de falar.Non vos abafedes nin tampouco ás vosas crianzas; cada nena/o ten o seu propio ritmo como dixemos.Dádelle tempo para responder as preguntas.Procurade que respecte as quendas durante as conversas. Podedes utilizar un obxecto para identificar a quen fala (por exemplo, tócalle falar a quen teña a v…

Karaoke de trabalinguas

Imaxe
Practica e aprende a dicir trabalinguas coa axuda do karaoke de ProfeDeEle. Unha actividade para a estimulación da linguaxe oral e o desenvolvemento da fala.


"Sorrisos contra o coronavirus". Unha iniciativa de Aulas Galegas

Imaxe
Aulas Galegas pon en marcha unha campaña para dar ánimo ás persoas ingresadas por mor do Covid-19.

Descobre como participar en Aulas Galegas. Sorrisos contra o coronavirus.

Dominas a linguaxe dos emoji?

Imaxe
Acepta o reto de intentar descubrir cal é o refrán popular que se agocha neste conxunto de emojis.
Imaxe
Contenidos Educativos Digitales ofrece materiais interactivos de Educación Infantil e Primaria organizados por áreas e por niveis.



21 de marzo, día mundial da Síndrome de Down

Imaxe
Participa dende a casa na conmemoración do día mundial da Síndrome de Down cun pequeno xesto para axitar as conciencias.


Dálle ao play para ver o vídeo de Down Compostela sobre a campaña "Calcetíns desparellos 2020".


Accede á web de  Down Compostela

Contacontos en Kalandraka TV

Imaxe
As autoras e os autores da editorial Kalandraka contan os seus contos en Kalandraka TV.



TEA: aplicativos gratuítos

Imaxe
Recomendacións de aplicativos educativos para descargar de xeito gratuíto.



José Aprende


Picto TEA


Dicta Picto



Picto One



Conciencia fonológica. Juegos para autismo

TDAH: Las vidas de Mario, un trailer para a reflexión

Imaxe
Que podemos facer polas persoas con TDAH? Las vidas de Mario convídanos a reflexionar sobre como contribuír ao seu desenvolvemento persoal e social dende a infancia. "Porque todos e todas somos parte do TDAH".


Fonte da imaxe: http://www.tdahytu.es/las-vidas-de-mario/

TDAH: o Doutor Rojas Marcos analiza o trastorno dende un punto de vista profesional e persoal

Imaxe
Conferencia do Doutor Rojas Marcos sobre o TDAH.


Podemos superar el TDAH

La sociedad y la medicina han avanzado mucho. ¿Enfermedades nuevas?

Caminos de los afectados

Así era yo

¿Qué podemos hacer? Apoyo incondicional

Una oportunidad para superar la adversidad

O Doutor Rojas Marcos relatou a súa propia experiencia persoal co TDAH durante a infancia e a adolescencia en TV3.

Recomendacións do COPG para a comunidade educativa durante a crise sanitaria

Imaxe
Recomendacións do Colexio Oficial de Psicoloxía de Galicia para a comunidade educativa con motivo da emerxencia sanitaria do COVID19.

Xogos caseiros para construír coas túas propias mans

Imaxe
Aquí van algunhas ideas de xogos económicos e divertidospara os momentos de ocio na casa. Están publicados en La Voz del Muro, unha páxina de ocio e curiosidades.

Recursos para traballar a comprensión lectora

Imaxe
Na web de Cuentos y Recetas atoparedes contos, poesías, actividades de conciencia fonémica, técnicas de escritura creativa e máis recursos para seguir estimulando a lectura comprensiva e mellorar a escrita dende a casa.